ዋሽንግቶን ዲሲ
ሕዳር 5፡ 2006
 

ናብ ሹማምንቲ ህግደፍ ኩልኹም፡-

ልባዊ ሰላምታ ድሕሪ ምቕራብ፡ ነዞም ኣስማትኩም ስዒቡ ተዘርዚሩ ዘሎ ሰበ ስልጣን ስርዓት ህግደፍ፡ ብምኽንያት ዝኽሪ ካልኣይ ዓመት ሰማእታት ዓዲ ኣበይቶ ንዘዳሎናዮ፡ ብድምር ሸውዓተ ገጽ ዘለዎ መልእኽቲ፡ ብፋክስ ንሰደልኩም ኣለና።

ምናልባት፡ ገሌኹም ከምቲ ዝደለናዮ እንተዘይበጺሒኩም፡ ባዕልኹም ብእትብልውዎ መሰረት፡ ሹማምንቲ ህግደፍ ኣብ ሓድሕድኩም፡ ስኒትን፡ ምርድዳእን፡ ምትእምማንን ከም ዘለኩም ብምግማት፣ (1) ኣቶ ሓጎስ ክሻ ወይ ኣቶ የማነ ገብረኣብ፡ (2) ኣቶ የማነ ገብረመስቀል፡
(3) ኣቶ ዓሊ ዓብዱ፡ ኣባዚሖም ክልእክልኩም፡ ብቅዳሕ ናይዚ ደብዳቤ መሰል ንህቦም ኣለና። ኣይፍለጥን ምትእምማን ኣጥፊእኩም እንተኮይንኩም ድማ፡ ካብተን ድምጺ ውጹዕ ህዝቢ ዘቃልሓ ዘለዋ መርበባት ሓበሬታን ዜናን ኤርትራውያን ክትረኽቡዎ ከም እትኽእሉ፡ ንሕብረኩም።

ኣስዒብና፡ ዝርዝር ኣስማት ናይ ገለ ካብቶም ደብዳቤና ዝተላእከልኩም ሹማምንቲ ህግደፍ፡ ነቕርብ።
 

 ኣቐዲመ ነዚ ኣብ ካልኣይ ምዕራፍ ቃልሲ ንፍትሕን ንሓርነትን
 ህዝቢ ኤርትራ ልዑል ቦታ ዝሕዝ ሰላማዊ ሰልፊ ብሓሳብ ኣበጊሶም ክውን ንምግባሩ ከይተሓልርሉን ከይሰልከዩን ብምጽዓር ኣብዚ ክንተሓቛቘፍ ዘብቅዑና  ብፍላይ ሓው ተስፋልደት መሓረና ኣዝማሪኖ.ኮምን፡ ሓው ሳልሕ ጋዲ ዓዋተ.ኮምን ልዑል ምስጋናይ እቅርበሊም፤ ብተወሳኺ ኩሎም ኣሕዋትን ኣሓትን ካብ ካልእ ርሑቕ ቦታታትን ተቐማጦ ዋሺንግቶን ዲ.ሲን.፡ ንምዕዋቱ ዝተሓባበሩ ምቕሉል ልባዊ ምስጋናይ ከቕርብ እፈቱ፡፡

ኣብዛ ዓለምና ወናኒ ህይወትካን መሬትካን ኴንካ፡ ብመንፈስን ኣእምሮን ኣካልን ዝተወሃሃደ ህይወት ራህዋን ሰላምን፡ ህይወት ምሉእ ሓርነት ምንባር እቲ ሎሚ ኣዚዩ ውሑድ ኰይኑ ዘሎ ዝዓበየ ጸጋ ወድሰብ ኢዩ፡፡ ህዝቢ ኤርትራ ነዛ ህይወት እዚኣ ብዕቱብ ደሊዩዋ፤ ድሕሪ እቲ መሪርን ነዊሕን ፋሺስታውን ዓሌታውን መግዛእቲ ጣልያን፡ ብሓድነት ልዕሊ 50 ዓመታት ናይ ምስትንፋስ ዕረፍቲ ብዘይነበሮ መሪር ቃልሲ የሕሊፉ፡ ከቢድ መስዋእቲ ከፊሉ ከኣ ረኺቡዋ፡፡ እቲ ነዊሕን ተሪርን ዓቐበት ወዲኡ ሰጣሕ ጐልጐል ክኾነሉ ዝተጸበዮ ግን ብሰሪ  ውሽጣዊ ጥልመት ዝኸፍአ ጸድፊ ኮይኑ ረኺቡዎ፡፡ መደምደምታ ናይ ሓሳር መግዛእታዊ ህይወት ኣብ ክንዲ ናይ ሓርነት ህይወት ዝኸውን፡ ብቑዕ መግለጺ ዘይርከቦ ግርምቢጥ ኣጋጢሙዎ፡ ካብ ኣብ እዋን መግዛእቲ ዝኸፍአ ናይ ህይወት መዋጥር የሕልፍ ኣሎ፡፡

 Document available in pdf Format 

ካብ ተሳታፊ ሰላማዊ ሰልፊ፡ ዋሽንግቶን ዲሲ
ጥቅምቲ 30፡ 2006

ድሓን ኩኒ ፍርሒ፡
ድሓን ዓሊ ራዕዲ፣
ተሳዒሩ ናይ ሓሶት ሕዛእቲ
ተደፊሩ ናይ ተንኮል በዓቲ!